ليدين
كالحرير لك سيدتي من اول استعمال ان شاءلله
هدا
اول موضوع غانشارك بيه على الاطلاق وتنتمنى ينال اعجابكم وتشوفو النتيجة من اول
استخدام باذن الله،
انا بصراحة كنت غير تنقل الوصفات ونخلط و نجلط من غير اي مشاركة،
ولكن دابا انشالله قررت نشارك اخواتي بعض الوصفات اللي جابو نتجة فعالة معايا ،
اولا حبياتي بغيت نثير انتباهكم لواحد المعلومة بسيطة واللي ناس كثيرة تاتغفل عنها هو انه اكثر الاعضاء اللي كتاثر بعوامل الجو و السن هما اليدين والرقبة و لكن معظم الجميلات تيهتمو بالوجه وكاينساو اهم تاني منطقتين ( لاحظو حتى الفنانات المتقدمات فالسن واخا كيجبدو الوجه كايبان ليهم الشرف فيديهم) سمحو لي الا طولت عليكم الوصفة ياحبيباتي كالتالي ناخدو حكيك صغير نوضعو فيه السكر ثم نصبو عليه زيت اركان حتى يتغطى (بالنسبة اللي ممتوفرش ليهم زيت اركان يديرو زيت الزيتون الحمدالله حتى هو لايقل اهمية) وفاش تسالي النهار ديالك وتعرفي راسك مغاتعاوديش تغسلي يديك هزي مقدار معيلقة صغيرة معمراش و حكي بيها يديك مزيان وخليها على حسب وقتك انا شي مرات تنخليها ربع ساعة اما الا كنت عيانة و مزروبة غير تنحك بيها يدي و نشللها دغية دغية، ومن بعد شللي يديداتك وردي عليا الخبار ولنتيجة اروع دهني بكريم اليدين المعتاد ديالك.
زيت الزيتون الكثير منا مكيعطيهاش اهمية شجرة مباركة ماتبخلوش عليا بالدعاء حبيباتي
انا بصراحة كنت غير تنقل الوصفات ونخلط و نجلط من غير اي مشاركة،
ولكن دابا انشالله قررت نشارك اخواتي بعض الوصفات اللي جابو نتجة فعالة معايا ،
اولا حبياتي بغيت نثير انتباهكم لواحد المعلومة بسيطة واللي ناس كثيرة تاتغفل عنها هو انه اكثر الاعضاء اللي كتاثر بعوامل الجو و السن هما اليدين والرقبة و لكن معظم الجميلات تيهتمو بالوجه وكاينساو اهم تاني منطقتين ( لاحظو حتى الفنانات المتقدمات فالسن واخا كيجبدو الوجه كايبان ليهم الشرف فيديهم) سمحو لي الا طولت عليكم الوصفة ياحبيباتي كالتالي ناخدو حكيك صغير نوضعو فيه السكر ثم نصبو عليه زيت اركان حتى يتغطى (بالنسبة اللي ممتوفرش ليهم زيت اركان يديرو زيت الزيتون الحمدالله حتى هو لايقل اهمية) وفاش تسالي النهار ديالك وتعرفي راسك مغاتعاوديش تغسلي يديك هزي مقدار معيلقة صغيرة معمراش و حكي بيها يديك مزيان وخليها على حسب وقتك انا شي مرات تنخليها ربع ساعة اما الا كنت عيانة و مزروبة غير تنحك بيها يدي و نشللها دغية دغية، ومن بعد شللي يديداتك وردي عليا الخبار ولنتيجة اروع دهني بكريم اليدين المعتاد ديالك.
زيت الزيتون الكثير منا مكيعطيهاش اهمية شجرة مباركة ماتبخلوش عليا بالدعاء حبيباتي
